صوبائی وزیر اطلاعات شرجیل انعام میمن کی کراچی یونین آف جرنلسٹس کے سالانہ انتخابات 23-2022 میں پروگریسیو پینل کی کامیابی پر مبارکباد

شرجیل انعام میمن کی جانب سے جاری ایک بیان میں کہا گیا ہے کہ پروگریسیو پینل کو کے یو جے کے تمام عہدوں پر کلین سوئپ کرنے پر دلی مبارک باد پیش کرتا ہوں کے یوجے صحافیوں کے مسائل کو مؤثر انداز میں اجاگر کرنے کی تاریخ رکھتی ہے کے یو جے نے صحافیوں کی فلاح و بہبود کے لیے گرانقدر کام کیا ہے یہی وجہ ہے کہ صافیوں نے ایک بار پھر اپنے مقبول پینل کو منتخب کیا ہے سندھ حکومت کے یو جے کے حالیہ انتخابات میں حصہ لینے والے تمام صحافیوں اور ان کے پینلز کو صحت مند ماحول میں انتخابی عمل میں حصہ لینے پر مبارکباد پیش کرتی ہے وزیر اطلاعات کی جانب سے کے یو جے کے نو منتخب عہدیداران کو ہر ممکن تعاون کی یقین دہانی بھی کرائی گئی ہے بیان میں کہا گیا ہے کہ پاکستان پیپلز پارٹی اظہارِ رائے کی آزادی کے حصول کی جدوجہد میں ہمیشہ ہراول دستے میں رہی ہے

Share the post

Leave a Reply

Your email address will not be published.